Category Archives: DBTU

      Hey, How come? 下次你唔记得呢……哼！你知啦！         不过我地都算经典，甘既日子都可以唔记得，好没意见。搞到乜都没准备，连心理准备都没。可能因为我地都估唔到，一年可以过得甘快。从千里之外到同一屋檐下，日子就系甘一日一日过，睇番转头就觉得快，向前睇，仲系模模糊糊，睇唔清条路应该点行。未来既我地……会系点呢？以后第2年，第3年，第4年……会系点呢？嗯……要努力啊！我知你好努力，我要向你学习，之前一直太颓了，要振作！！！          希望出年既今日，我地可以好好甘庆祝吓，起码两个人坐低食番个晚饭。          喂，唔好成日冲完凉就摊落床啦，陪我倾吓计好喔！          一周年快乐！^_^

      1年前既今日，我系blog上写同样既话。就甘又一年了，真系快啊。         旧年既今日，岩岩搬左屋个几月。今个星期六，亦即系2日后，我又要搬了，基本上一年一个地方，稳屋辛苦搬屋更辛苦，D野都未执好，听晚要好好努力了。         旧年既今日，应该开始兴奋紧番中国了吧，宜家已经没左呢份热情了，其实有D觉得澳洲同中国都好近，在边都系一样。来左悉尼2年，好似已经好习惯了，背井离乡既感觉已经几乎不存在了，悉尼给我既感觉也变得越来越熟悉了。薯佬话他好茫然，或者2年前我都系一样吧，慢慢来啦，things gonna be all right…sooner or later.         好，决定每年既今日都要做个记录，睇吓自己既心情有D咩变化，呢两日实在太多事忙，太多事想了，累啊，迟D有心情再写。 

      旧年既今日，我第一次踏上澳洲大陆。转眼间，已经整整一年了，个份新鲜，冲劲同埋热情都磨损得差唔多了，好多时候，根本唔觉得自己在国外，日子还是照自己既方式过着，似乎没被Aussie文化影响好多。记得旧年既今日系我旧历生日，在生日既时候背井离乡，感觉特别凄凉。经历过每日起身就想喊既两个星期，一年后既我，依然系甘想番屋企，但系已经没左个份凄凉既感觉，取而代之既系郁闷，特别系赶作业同埋考试既时候。虽然，成日都想住番屋企，但系都过得好开心既，放假会去玩，读书做野辛苦既话又会慰劳吓自己，所以……我既体重有增没减，番到去肯定个个觉得我系呢边好吃好住罗！～～～       寻晚，番薯佬话一年没见我了。我纪念既系8月16号，我到悉尼既日子，他记住既，系8月15号，我离开广州既日子……