Category Archives: Cultural Shocks

        错过左2次，今次终于鼓起勇气去睇了，撞岩今年系30周年，都几有纪念价值喔。不过，今次都好彩得Winnie姐既坚持，因为寻日中午去完Fruit Market已经觉得有D头晕眼花，摊左系度唔想郁了。           5点钟先出去，个个都觉得我地唔会霸到好位，我地都系抱住从人群中偷睇两眼就走既心态。出左central，好盲目甘跟住人潮走，因为我地唔太sure Oxford St点去。一路上都见到D衣着好鲜艳（荧光假发，荧光短裙）既路人既了，没错，系路人，绝对唔系巡游D人，巡游D人既打扮更夸张，仲见到D着超紧身tube-top兼且露两点既男同志，一个字：赞！行到Oxford St 1号个十字路口度，两边马路已经blocked晒，围满起层层既人群了。我地见到有个稍微空少少既位置，就企左埋去。后来唔知点解，D人逼吓逼吓，我地就去左第二排了，前面个几个女同志仲系坐住系张凳度，呵呵，个视野唔错，仲面对住个大屏幕添。个Parade开始之后，前面个人非常high甘企左起身尖叫，我心谂，哎呀，挡住左添，点知她回头同我讲，叫我企上去她张凳，哎呀，呢位护士同志（着左套护士装）好好人啊。就系甘，我霸到个超正view，成个parade一览无遗，毫无遮挡！～COOL～            Mardi Gras Parade系悉尼一年一度既同性恋大游行, 系同性恋社区既一件大事！他们的宗旨系要发扬Gay Spirit，呼吁社会的接纳。Diversity, Equality and Freedom就系主题。开始我以为净系得同性恋既人参加，原来有好多其他社团甚至政府机构都出来支持，特别系消防同埋陆军既队伍，D人个个都好鬼Man！！型！游行队伍个个都出尽法宝，有甘出位得甘出位，有甘hot得甘hot，真系时时都有惊喜。好多女同志，特别系肥＋老既女同志，都毫不吝啬她们既身段，特别系个心口～～D人话，Mardi Gras要露吓个胸先好架啵～～反正番薯睇得好开心。不过最令我震撼既一支队伍系“MAG” － Matured Aged Gay，全部都系50岁以上既阿伯，他们好型，而且好enjoy，好proud，真系俾到人一种正面既信息。            个Parade由夜晚7点几开始，一直持续到10点半，足足3个钟有多没少，真系high到爆……D人，我就觉得累到爆！企到累，喊到累……今朝起身仲喉咙痛添。呢D甘疯狂既节日，参加一次就够了，都算系增长吓见识。BTW，见到凤凰卫视系度采访，D工作人员仲同我前面个班同志姐姐映相，我多口问他们几时会播，他们话今日系咨询台播喔，阵间上网check check先。            后记：社会对同性恋既偏见，唔会因为一次游行而消失，但系，他们可以有个途径发泄都系件好事，而且亦都制造左个借口俾同性恋，异性恋既男女老少开一个疯狂party。相唔系映到好多张，因为天黑效果唔好，多数都系录像，所以，如果边个有兴趣睇D精彩镜头，我可以发video架～^_^

      终于识到个对中国传统同文化有兴趣既ABC了！         ABC (Australia-born-Chinese)的确系一个几有趣既群体，正所谓出面系人入面系鬼，自身有好多矛盾，同社会，同其他人，在我看来，都有好多矛盾既地方。识左好多ABCs，他们既中文水平实在……。讲得一口流利既广东话实在已经系不可多得了，公司既Tony弟弟就系一个好例子。不过，当我用D稍为书面少少既词（例如默契，严肃）既时候，真面目就出现了：目光放空，完全唔知我讲乜。中文字似乎系对他们既一种奢求，会认会写既都系得三个字：自己个名。识得对印尼华侨姐妹花，她们连自己个中文名系乜都唔系几清楚，唔好话写了。不过当Tony弟弟同我讲他都中意去唱K，仲要唱广东话歌既时候，我实在太惊讶了。我问：你都唔识睇D字，点唱啊？他话：唔使识字架，跟住D音乐唱就系啦！嗯嗯……睇来音乐真系世界语言啊。         普遍既ABC，对中国既野没乜感觉。我问Steven，有没去过中国，他话没。我再问，甘想唔想番去睇吓啊？他话：No & Why？我当时都呆左呆，答唔到他why？既然他唔在乎，我又有咩说话好讲呢？曾经有个ABC小妹妹同我讲，当她知道她origin系广东既时候，她感到ashamed……好想改变他们既想法，不过唔知道自己可以讲D乜做D乜。讲真，心入面不自觉地有种沉重既感觉。         不过，终于比我识到个对中国好有热情既ABC了，虽然他唔系真正born in Aussie，不过绝对符合ABC既定义：唔识睇中文，生活方式非常鬼佬。他曾经问过我，点解中国人会觉得有几个男/女朋友会唔道德。但系，他却非常向往中国，计划在未来的几年每年annual leave都番中国一个唔同既地方，感受唔同既风俗。他仲参加左某某武术协会，哈哈，仲话年年春节既时候都会扮孙悟空在唐人街巡游添。他个份渴望了解中国，为身上既中国血统而骄傲既情愫，令我非常感动，亦都令我对ABC有番D信心同希望。因为，据他所讲，他teenager既时候，都对中国好反感，好唔中意自己黄皮肤，但系大左之后，先至逐渐感受到中国既魅力。我希望个D ABC小弟弟小妹妹，大左之后都慢慢识得尊重，欣赏自己既origin，就算唔热爱，都至少唔好讨厌啊。   P.S. 好得人惊啊，我头先环顾吓张书台同周围，居然没一样野有中文字系上面！！中文能力就系甘慢慢衰退吗？？

      算系澳洲人送比自己既一份补偿吧，唔知南非同南美有没呢？不过听讲连北半球既国家都过架啵，可能等唔到12个月甘耐挂？！不过几时过悉尼都系唔会有白色圣诞架啦，虽然……依然系冻！       有个朋友成日系我耳边（其实系QQ度）话好怪，因为我12月份同他讲好热，6月份同他讲好冻。讲真啦，我一D都没唔惯，或者有奇怪既感觉啵……好自然而然……冻完会暖，热完会转凉……大自然规律啊，月份系人类强加架者～

      今晚，OH，唔系，应该系寻晚，参加左包租公个婚礼。虽然只系一个简单的注册仪式，不过好过瘾。原来呢度注册唔使去政府部门架喔，有一种叫Civil Marriage Celebrant 的职业，专门帮人主持婚礼，但系他们又唔系神父甘简单喔，他们有正式的法律文件，有结婚纸，在他们的witness下签纸就有法律效力了，唔使去政府部门搞甘严肃无趣。睇到个Celebrant 我想到“大妗姐”，一样风趣可爱，对礼数驾轻就熟。仲有样野值得提既系，澳洲的结婚证书得一张，唔似得中国有一式两份，男一份女一份，我觉得甘都几有意思，结左婚就系 two become one 嘛，几有象征意义既。唔知离婚系咪就将它撕烂一人一半呢？哎呀，好似甘讲有D唔吉利哦～～P.S.将结婚证后面有防伪码架！       最后一张相帮啊Celebrant 卖吓广告，大家有需要就提前预约了！^_^

      今日收工，岩上bus已经昏昏欲睡了，突然那个满头白发既司机阿伯向后一望，问左句：“Do u guys have any changes I can borrow from?” 我都仲未反应过来，成架车即时响起叮叮当当既声音，原来大家都打开个银包，埋头系度稳紧散纸……好快，就有两个师奶冲左上前，递左D散纸比个司机，跟住D人就一个跟一个行过去，踊跃但有秩序。睇到呢一幕，我即时睡意全消。唔通D司机成日向D乘客唱散纸既？如果唔系点会一呼百应呢？如果呢一幕发生在广州，或者中山，情况又会点呢？如果你今日同我坐埋同一部车，你会即刻罗出银包，拧晒D散纸唱比个司机吗？或者你会认为，反正有人比，唔差我一份，懒得去稳，司机没钱找比人唔关我事……唔知点解，我地似乎忘记又或者totally忽略左陌生人之间都可以有既那份亲切感。         老人家上bus，一定要他们稳到位坐定定先开车，呢点非常可以理解，但系，老人家或者行动不便的人落车后要行离bus车身前后一段位置确认安全后司机先会开车就真系夸张左D了。不过，给人多一D关怀，就算过左龙又何妨呢？         来左几个月，习惯左上bus 时同司机say hello，落车时，尤其是只有自己一个人落车时，对司机大声讲句thank you！以前我会觉得，呢D系他既职责，他领得份人工就应该做呢D野，我地唔使多谢他。不过，自从自己做过服务行业后，觉得客人既一句“多谢”好温暖。再讲，呢度个个都甘做，呵呵，唔讲反而显得奇怪。两个简单既单词，能够给人带来幸福既感觉，真奇妙！          每朝到公司，个个见面都会讲句“Good morning” or "How are you going today?" 放工，“See ya” or "see u tomorrow"， 如果系周末就千其唔好漏左个句 "have a … 繼續閱讀 →

      普通话他们叫阿三，广东话他们叫阿差，他们，绝对系一群经典既人。记得岩开学既时候他们已经好引人注目了，三个月过去左，他们依然都系焦点。一次偶然既倾谈，解开左我对他们好多既疑惑。原来在阿差国内，英文系official language for education架～由幼稚园开始就已经用全英教学架了，唔怪得他们成日中意show英文，仲讲得甘快了（注意，我并没话他们讲得好，因为……他们的浓重既口音系成为他们同其他国家既人沟通的最大障碍）。       那个眼睛被熏黑左既阿差好惊讶甘问我：“how can u study accounting in Chinese？” 他呢个问题实在有趣，我真系从来未想过，因为，根本没任何理由我地唔可以用中文学会计，我倒想反问他：“why u can‘t study accounting in Indian？” 他继续问："U have words for asset and liability in Chinese？" Wooh~~what a silly question, surely we have~ 他觉得好不可思议。其实，应该系我觉得难以置信啊。原来系印度话入面系没”资产“”负债“呢D词架～～甘究竟印度话有乜啊？唔通几百年来都没新词汇增加过？正如我roomate话，甘样他们D语言好快灭绝架啵～跟住个黑眼差仔仲好proud甘encourage我地要多讲英文，同中国人之间都要讲英文，唔好讲中文，要好似他们甘practise多D……无奈……我地先唔想搞到他们甘，至少，我地宜家讲D英文其他国家D人都catch到。       我真系觉得几惊讶啊，睇来印度系西化得太快了。不至于连自己本土语言都抛弃了全民英语化挂？呢个绝对唔系好既策略，再点讲，话晒都系文明古国之一吧，竭力保护本土文化遗产系经济发展既过程中也是很重要的，有D替他们概叹……       

      今日终于考完试了，但系却没有那份轻松感，因为放假意味住要稳part-time啊，努力ing……       讲番D一直好想讲既野先，由于今次期末考的场地不在uni入面，要去到相隔大概20分钟车程的校区考试，考之前个星期我同roomate两个行去探路（据某位senior friend讲，从学校行路去都唔系好远，甘我地咪行罗～）点知………没带地图，凭住感觉向前行，行啊行啊……上坡落坡，越行越远……有荡失路既危险。行到又累又饿既时候，出现些许曙光，我地见到几栋类似校舍既物体。兜兜兜，兜左个大圈，终于稳到个入口，点知……一个好醒目既牌贴系门口：“Warning for Trespassing”……真系晕低……濒于绝望既边缘，正同roomate商量紧要再稳定系番去个阵，有位胸前挂住工作牌既lady经过，我就上前问她知唔知Peter Board High School（个考场以前系间中学来既）系边？她一边赶乌蝇，一边话：呢头都系公司来架啵，没学校喔……OH～唔系吧？我心想，唔通我地miss左，行过龙？大家系咪以为呢个故事就甘就讲完呢？No， no，戏肉先岩岩开始。       一般人地问你路你唔识，讲对方听话你唔知甘就走人啦，但系个位lady见到我地两个好似稳左好耐好辛苦甘，就不断安慰我地:"oh, nothing feels worse than don’t know where u r, oh, girls, don’t worry, i will find someone to help u, there is a lady in our office … 繼續閱讀 →

Annoying Insects = Full of Wildlife     讲都没人信啊～夏天都未正式开始咋，就已经鬼甘多昆虫了，飞既爬既乜都有，救命啊～最得人惊系D乌蝇啊～虽然来之前已经听过澳洲三宝：肥婆、乌蝇、醉酒佬，但系……真系百闻不如一见啊，个种情景我以前以为系在非洲先会出现架！秉承了呢度所有野生动物的一贯作风，D乌蝇一D都唔惊人，仲会扑向你块面、停留系你个书包上、系你周围转来转去……所以，你只手基本上唔会得闲，一路行一路要赶乌蝇！呢个手势被称为“Australian Salute”，幽默呢？仲搞笑都有，当我地向房东抱怨好多insects甚至spiders从窗口爬入我地间房既时候，他好轻松甘话："it’s never been a problem to me!" 跟住，好紧张甘补充番句："spiders are good, they eat mosquitos!" Faint……. 呢个就系点解澳洲家家户户既窗口上都好多蜘蛛网，原来唔系他们懒得清理，而系特登留D蜘蛛寄宿……个日上课，Miss某某将悉尼同东京比较左一番，最后好proud甘得出个结论：还是澳洲好，呢度充满wildlife，人与自然和谐甘生活系一齐！（呕血～）我没野好讲，稳紧边度有纱窗卖……