Category Archives: Anniversary

        呼～1年了～睇番转头好似好快，但系自己不禁叹一句：“唔容易啊～”           对自己人生第一年全职生涯的表现，我打65分，合格。从一开始既惊惊青青，到宜家，虽然都系惊青，不过D野顺利好多，掌握左某D窍门，技巧，得到左某D十分demanding 的人的认可和信任。会有满足感，成就感的时候。还记得ex-FC话我缺乏自信，缺乏表现自己的能力，一年落来，并唔见得有自信左好多，但学识左坚持自己的立场，认为岩既要据理力争。更懂得提出自己的建议，感受到获得接纳时的那份喜悦。10月份的时候，鼓起勇气接手左一个高难task，记得一开始做的时候，心惊胆战，D资料睇左又睇，文件check完一次又一次，多谢JJO的帮助，感激JJM的宽容。仲记得JJM忍唔住同我讲：“See? I teach you something new everytime”。他算系一个唔错的老细，understanding, patient, matter-of-fact, 同埋唔系人人都听得出的幽默感。3月的时候，一场disaster，唇枪舌战，将个波推来推去，我一度好嬲，不过认清楚了某D野，都明白了实在积极地去解决问题系没人会话你错既。           呢一年来，毫不客气甘接受左好多好多的帮助，无论系正面的帮忙，或是负面的complains，都帮到我好多。真系要衷心感谢公司入面每一位同事，重点包括DAL & CGP，多谢你地锻炼了我的沟通技巧。Under SXC既时候，学会凡事double, triple check，and cover my own ass。Under MRK，锻炼了计划，initiative同自我鞭策。不过，仲有太多太多，要锻炼，要学习，要转变，变得更好。然而，工作始终系工作，我始终觉得只系生活的一个小部分，有好有唔好吧，唔好既系，证明我份工唔够忙，我唔够投入，好既系，感觉自己还后生，番到屋企仲系过住学生时代的生活，kind of 个种心态。           期待2YA，有更多的得着。