Category Archives: 饮食

        噔噔噔噔～～～喺Jackie的悉心指导下，我终于完成咗咁大个女第一次自己整既Muffin了！！！鼓掌，鼓掌～～～～ 内心激动无比！！！           原先我以为整呢D嘢好鬼难，点知都OK喔，咁当然要有Jackie呢位咁劲既师傅从旁监督先得啦。哈哈，so proud of myself!!~~~ 我都知大家唔系好信架了，以下有相片为证。      （图释：口味顺序从左到右为：香橙－蓝莓－香蕉－朱古力，一半系大size D，一半系细D）           另外，我哋仲整咗双皮奶，好鬼正啊！！好香～～ 宜家先知道“双皮”既意思。最叫我惊讶既系，成本劲低，卖双皮奶既利润真系好高啊！！！     同Jackie住既日子将会令我既体重到达另一个高峰……

      自从小路搬左过来之后……我地基本上每个weekend都会到处发掘D好野食，Burwood的水井坊，Paramatta的Chocolate Bar，Darling Habor的Nick’s，仲有今晚Hurstville既华英小厨……可谓数不胜数，所以，搞到我……唉～～没错，小路，唔使抗议了，我系要赖你架了，哈哈哈哈～～  

        同小路一齐，通常都会食得比较奢侈，sigh… 上两个星期食意大利菜既时候就已经瞄准左呢间食好味烧同埋荞麦面既日本料理。6点唔够，我地就毅然地闯入去了，因为已经逛到没野好逛了。未做好准备既服务员问我地有没reservation，我同小路你眼望我眼，间甘既铺头仔都要订位？！后来先发觉，真系除左我地之外，个个都有订台架。就系甘，我地呢两个“不速之客”虽然最早到，但系霸唔到好位，睇唔到整好味烧的过程……有D失望。            我应该系第一次食好味烧，个卖相好正，味道都唔错。至于个荞麦面，我地要左3种口味混合既，original, green tea，仲有一只唔记得系乜，不过其实食起身没乜差别。最搞笑既系，老板个女（未经证实）叫我地食完D面之后，剩低既豉油，加D滚水，冲来饮喔。当时听到，真系以为听错，好无奈甘照甘做，鼓起勇气饮一啖……OH！味噌ですね！！原来系面豉汤！猛然发现面豉汤即系豉油沟滚水，睇怕以后都唔会点饮了……            犹豫片刻后，仲系决定要个天婦羅 ice cream，呢个唔系一般既炸雪糕，除左卖相劲掂之外，个层脆皮真系又香又有口感，回味无穷啊！            有机会既话大家不妨去试吓，地址系： 246－248 Military Rd, Neutral Bay. 咔咔，下星期锁定法国餐～YEAH!        

    前日去super market买左支可乐，made in Australia。今晚腌左D排骨，整左煲可乐排骨……嗯，睇起上来都几好色水啵……嗯，闻起上来都几香啵……嗯，食落口……点解成“浸”番薯味既？？真系奇迹了，煲可乐居然可以煲出番薯味……唔通澳洲D可乐系用番薯做既？？？？

      感动啊～我居然识整粟米羹～～yeah～～～庆祝吓先！！～～我知道好多人都唔信架了，呵呵，自己都好惊讶，来到澳洲最大的收获居然系学识整野吃～       今晚煲鸡蓉粟米羹真系好正啊～你地真系没口福了～～呵呵～～

^_^！！！未试过吃刺身吃得甘爽架，简直吃到腻啊！！北极贝，吞拿鱼，八爪鱼……最正既就梗系三文鱼刺身啦！！中森名菜48蚊两个的“花之恋”我寻晚吃左N个了～～说不出的正！！！！最正既系有人请啊嘛！！98蚊一位任点的日本料理，除左刺身仲有好多好多野。我哋熟悉的寿司、手卷、天赋罗、多春鱼、冻豆腐……之外仲有好多我第一次吃的菜式，好多都好正架。例如七味牛肉煮豆腐，烟肉烧菇串，芝士豆腐，烧鸡软骨……等等，好多个名我都唔多知，反正就一个字：“正！！！” 哈哈，我饱到今朝都吃唔落早餐，中午都系吃粥咋……呵呵，太搏了……