Category Archives: 旅游

      又一个月没更新过了……         上个星期，终于去左我恨去左好耐既花展了！！由第一年听芬姨讲话好好玩，到旧年因为考试没跟菲比姐去，一直都好想好想去。今年我同番薯讲，就算系得我地两个人跟团都一定要去！好彩，岩好有D有车阶级人士一齐去～Yeah～          3个钟车程到达首都，没GPS既话2个半钟。之前一次来，系去雪山既途中，当时没去议会，因为比较夜，都删晒门。今次甘岩系个旧议会大楼隔离泊左架车，1蚊鸡学生价入去参观吓先～从1927年到1988年，联邦政府都系Old Parliament House办公。一入去，系King’s Hall，虽然唔系好大，但系感觉好庄严。 左右两边分别系House of Reprsentatives Chamber同埋Senate Chamber。                     跟住仲有Prime Ministers个办公室啦，议会成员休息室啦，记者房啦等等，连Party房都有。D摆设用品虽然好老土，都系有D都几得意。好似堆打字机，真系古董啊！  呢班野仲要坐系议会上面，扮吓记者添～你睇小路个样几……唔pro！            旧既唔去新既点来呢？！～话甘快，我地又到左新议会了～ 支国旗隔老远就望到了，我谂应该系堪培拉每个角落，只要抬高头都会见到…… 上面个国徽仲好鬼闪！没计，个日太阳劲到爆！新同旧既风格截然唔同，旧既有好浓厚英国色彩，新既入面装修好现代，基本上没英国风。两个Chambers同样系左右两翼，当然大左好多啦，仲好colourful添，House of Representitives系粉蓝色Senate系粉红色 行完Chambers系时候上天台The Roof 了! 呢个角度望上去，支旗杆真系好高！           下昼3点，终于可以去渴望已久既花展了！！哗～～人山人海啊！好耐没试过去D甘逼既公园了！一入门口，花未见到几朵，反而有好多摊挡，有D卖园艺摆设都几得意既。番薯仲不失时机地同只花盘狗映相～花展没我想象中甘大，D花都没我想象中多，可能系因为期望实在太大。不过，都几enjoy既，起码未见过甘多唔同种类既郁金香啦～其实我觉得好多都似系假架～哈哈～下次带小猪或者/同埋阿妈老豆再去过。           

      玩左3日，今日连Boxing Day Sale都懒得去了，训足成日，终于有番D能量了，但系块面同手臂晒伤左既地方仲系有D痛……真系阴功了。         我地一行8人，两部车，由Kenneth同学带领，浩浩荡荡甘开往400公里外的Port Macquarie，岩岩好系悉尼到布里斯班一半既距离。自驾车游真系爽啊，想停边就停边，想停几耐就停几耐，不过就真系辛苦左做司机既阿Paul了，揸左3日车，一定好累，我地做乘客既都累到系车上训左了，难为他罗～～沿途经过Taree，4个月后再访Taree，感觉有D唔一样，河边仲多左个小亭，Eagle Boys没开门，改食Domino’s。老Ken仲系要坚持在个公厕外合影，我选择做揸机那个。去探阿斤叔，点知他们去左悉尼，搞笑，阿婆招呼我地饮左杯菠萝汁。         开始时天气唔系几好，有D担心，不过后尾个两日都鬼甘好天，晒到我啊～～～尤其是24号下昼，我地去游水个时，个天简直没云～～来左澳洲甘耐，去过无数次海滩，都未真正落水游，数数手指，距离我上次去海滩游水，已经10几年了，记得个时仲读小学，去深圳金沙滩游。再感受大海既怀抱，真系有D吃不消，D海水咸到好苦啊。条番薯仲猛甘拉我出去冲浪，惊到我啊！！请注意，游水个Part完全没映过相，因为我着泳衣个样实在太对唔住观众了。不过都算开心既，训系沙滩度，见到甘蓝甘清个天，真系好舒服，前面就系地平线，远处系太平洋，好似咩烦恼都没晒甘。          一班人去玩，好处系唔怕闷，日头出去玩，夜晚系motel开party，虽然人地话no party policy，但系我地低调D，没人觉既～～嘻嘻～～好中意夜晚个海，平安夜个晚，应该系农历十五，个月光特别大，特别圆，照到个海好靚，好宁静，可惜映相映唔到个效果出来啦。第一次夜晚系海边玩烟花，仲要系平安夜喔，远处见到有人玩篝火晚会，几得意。          3日来几乎餐餐Junk Food，M记，K记，Domino’s，Eagle Boys，加埋无数零食，搞到喉咙痛，寻晚番来要吃番餐白粥。不过，总结今次旅游，都系：好玩，景靚，同埋低！3日落来每人都系用左150蚊左右，好抵玩。圣诞过得好开心，2008年希望更开心，顺心～～YEAH~~

       上传左D相之后到今日先得闲写番D感想。来左悉尼2年，连Blue Mountain都未去过，真系讲出来都没人信啊。因为种种原因啦，不过都好既，等埋番薯一齐去^_^。由于蓝山地处偏远，我地最后都系决定跟one day tour去，local既华人团。华人团，实在太有中国特色了，行程十分紧凑，一大清早8点钟系Entertainment Center集合，唉～～搞到我地要晨早6点钟起身，你知啦，星期日要6点钟起身，真系好痛苦架嘛！搭7点10分既290，兜吓兜吓，出到QVB已经7点50分了，唉～10分钟点行到去China Town啊？！简直向9秒9挑战！行到沙瑟街既时候，已经打电话来催了～唉～我都唔想迟架，我都想早D来架，最弊星期日8点之前得两班巴士，一班6点，一班7点，没得拣～          个团好细，加埋我地先得9个人，人少少，感觉好舒服。老实讲，呢个团标榜去蓝山既，其实在蓝山停留既时间非常有限。个日，我地第一个目的地系Featherdale Wildlife Park，大约从city个几钟车程啦。虽然个SIZE同Taronga Zoo比系蚊比同牛比，不过入到去觉得好亲切，因为好多动物都没关在笼入面，你可以随便触摸、喂食或者同它们玩，最重要系D动物唔惊人，基本上澳洲任何野生动物都当人没到架啦……蕃薯好兴奋，我都好开心，系个park入面狂映相。最有趣既系，每个游客都发一本“Passport”，左边系park既地图，右面有8个空格，俾你盖上喜欢既动物既stamp，D stamps在每种动物既展区个度可以稳到，感觉有D似寻宝游戏，我同蕃薯斗快稳齐D印，结果系我赢左，哈哈，因为蕃薯挂住系度映相。 最惊艳系见到只混血孔雀开屏，仲开左好耐，好悠然自得360度转身俾人映，真系够晒有职业道德啊！           系个Park度逗留左唔够1个种，又要急急忙甘上车向蓝山出发了。唉～～可惜个日朝早唔系甘好天，多云，山上超级大雾，连三姐妹峰都系若隐若现咋。行程其实好简单，就系以最快既速度将蓝山上3仲交通工具搭齐，Cableway, Railway同埋Skyway。最过瘾系Railway，以前系用来运煤架，所以好似个笼仔甘，又斜喔，最斜个part有51度架，认真刺激啊！上面仲要完全没安全带添，同行的一个阿姨比喻成刺激过玩跳楼机，呃……甘又没甘夸。 个Skyway中间个度系玻璃来架，可以see through，虽然山谷好大雾，不过望落去都有D腳仔软。算啦，下次拣个风和日丽既好日子再来过啦。           跟住又坐左个几钟车，行一条好窄，有D险峻既山路，睇到几个惊险镜头，好彩，虽然迟左少少，都顺利到达目的地－珍罗兰钟乳洞，据闻系因为一个叫珍罗兰既小妹妹玩玩吓既时候无意中发现呢个地方。呢个景点好有性格架，唔系话你中意几时来睇都OK架，每个洞都有唔同既开放时间，而且一定要有景点既导游带你先可以入去架，因为平时入面系黑麻麻一片，D工作人员入去先会逐段逐段甘开灯俾人欣赏架。虽然个洞唔算话非常壮观非常大，但系保护得好好，连D射灯都尽量安排到坚持同埋突出D钟乳石既原貌。透过工作人员既解说，我觉得他们着重带出钟乳洞既形成，保护等等地理知识，而没话介绍呢个似咩，那个似咩甘。鬼佬既思维方式就系比较直线架了。            下昼5点几，我地结束晒所有行程，开车番悉尼。玩左一日，加埋导游tips一共每个人用左$120左右。呵呵，玩完之后又要继续努力赚钱罗～～

      上个周末被Kenneth同学昆左去玩，坐左5个钟头火车，去到一达离悉尼350几公里既地方，地方名叫 － Taree。原本期望唔高架，不过turn out都好好玩罗。个度真系好靓啊，人烟又稀薄喔，无论去到边条河，边个湖或者边个Beach，D水都系甘蓝甘清架，加上那两日天气超好，实在系太Enjoy了。         除左斤叔（Motel主人，来左澳洲20几年既中山人）一家之外，系Taree我地见唔到其他中国人甚至亚洲人。我地入去Hungry Jack买野或者系街上行既时候仲比人望住晒添，十足十稀有动物。呢度既生活真系悠闲啊，典型既鬼佬STYLE，星期日除左几间快餐店同超级市场开之外，其他铺头全部删门，宜家先知，原来悉尼系甘热闹，甘方便架，起码星期日都有街行，虽然D铺头会提早收工。          自驾车旅游真系爽啊，想去边就去边，想停边就停边。两日我地就行左400公里，番到悉尼有凸了。几个人一路有讲有笑，真系惬意啊～～         印象最深刻系个Rain Forest， D蝙蝠多到个种程度真系吓坏人啊，每棵树每枝树杈上都吊满左蝙蝠，而且鬼甘大只。呢种Flaying Fox比Bat大好多，Victor话系果蝠喔，即系唔系吸血，而系吃果实架喔，我就唔清楚了，不过真系好得人惊，加上D叫声好凄厉。唔系话D蝙蝠夜晚先出动加咩？点解日光日白都甘猖獗架？！         阿斤叔一家实在太好客了，我地6个人系度又吃有住又借埋架车比我地仲话唔收钱喔，实在太过意唔去了，后尾就系甘倚比少少钱罗。今次真系玩得又平又正啊，多谢Kenneth同学啊，今次既旅程非常顺利愉快安全兼舒适，嘻嘻，继续努力啊！下次去边玩好呢？

    今次考试其实感觉好唔实在，好似好多日自己屈自己系房间温书，但系效率超低，仲日夜颠倒得好严重。考完试D感觉都好奇怪，可能全部系选择题既关系，更加没乜实质感。点都好啦，考完左就决定要狂玩一番。星期五晚一考完就去行街吃饭，仲去埋Darling Harbor饮野睇夜景。今朝一早，哈哈，其实应该系晏昼，出发去左一直都好想去既Manly。Manly算系悉尼比较大又比较方便去既一个海滩，可惜来左甘耐一直都没去到，今日算系了左件心事。       个度真系好方便罗，一落车就系步行街，可以shopping，跟住步行街尾就直接系海滩了，简直唔使落几级楼梯，一D都唔浪费地方。今日唔算冻又唔算热甘啦，岩岩掂到D水就觉得有D凉，不过后来就OK暖了。寻日落雨仲惊住今日来唔到添，点知今日万里无云，正～～       见到个海真系成个人都好relax啊，近排觉得好多湿湿碎碎既野困扰住我，所以来到觉得个心舒服左，心情都唔同晒。话时话，其实系悉尼去左甘多次海滩，我没一次系真正落水游架啵，点解呢？可能系怕麻烦，因为游完之后又要冲凉洗头换衫，最唔中意就系用公众浴室架了。今日除左放松心情之外，仲有遇到D新奇刺激既野。例如两个好得意既bare bare BBs。跟住又比我地系海边既小悬崖中间发现左条隧道喔，之前我地以为系一个deadend既窿，见到有3个男仔一人揸住支啤酒甘入左去，好耐都没出来，正当我地疑惑紧他们系入面搞乜既时候，有个阿伯罗住D钓鱼工具，又走左入去。跟住我地就知，呢个窿应该系通架了，所以决定去“冒险”。^_^ 窿既另一面系世外桃源…至少我地甘觉得。个隧道睇起身应该系天然架，唔似人工开既，真系有趣了，生活处处有惊喜系咪就系甘解呢？！～～       跟住夜晚我地去左睇Spiderman III，好正啊～～～我觉得D情节同效果都好睇过I同II，尤其是D音效。^_^ 不过因为我之前两出都唔系在电影院睇既，梗系差好远啦。本人强烈推荐一定要去电影院睇《蜘蛛侠3》啊！！唔睇走宝啊！！下个礼拜上《加勒比海盗3》了啵，想睇周润发，嘻嘻，不过更期待《史力加3》－the King of the Kingdom of Far Far Away。咦喂，点解全部都系3既？？好巧合啵！

      过去既一个星期实在太大压力了，今日点都要出去玩吓架了。虽然Easter过左，不过个show仲未完，旧年去唔到，今年点都要去吓架了。         个show真系唔错，比我想象中好好多。个场地好鬼大，好多野睇好多野玩。中意个种嘉年华feel，D野都好colorful，令人觉得好开心。D细路仔更加开心啦，个个都揽住大个细个既公仔，仲有一袋二袋好得意既show bags，好幸福啊～～～我地好兴奋甘东睇西睇，东走西走。行吓行吓，突然觉得好臭，原来我地去到D牛牛羊羊猪猪马马既展览区。真系大开眼界啊，D品种多到我根本都想唔到，而且D size又系鬼佬既king size，越地越心寒……         夜晚个show劲正，个场馆够大，气氛够好，D表演劲精彩。驯马比赛 － D癫马癫牛好过瘾。摩托车特技表演 － 艺高人胆大，一边睇一边惊，疯狂尖叫，随便叫埋D抑郁气出来。仲有两架四驱赛车表演飘移，我地坐个位置太正了，D尘土竟然铲到上来。最后来个烟花，第一次甘近睇烟花，条颈好累……         听日又要开始高强压既生活了，继续努力啦～～

      哈哈，前日，倒数10日既大日子，应承左一年带我去动物园睇Kangaroo既Kenneth同学，终于带我去从Circular Quay坐12分钟ferry就到既Taronga Zoo了，听闻系悉尼最大既。             由于前日艳阳高照，超过30度既高温，而且系个Zoo入面行左5个钟，我已经变左旧炭了！！呜呜，仲要着条短裤仔添……所以番到去大家觉得我黑左一D都唔出奇。虽然好多动物都因为太热唔多想出来同D游客social了，但系都见到几多得意同埋核突既动物既。正如阿Kenneth同学话斋，真系有野睇，有野学，仲减到肥添～真系第一次系澳洲一日之内出甘多汗咋。         今次动物园之旅有两大感触：   1. 园中园的Kid’s Zoo，好有创意，用家居的环境，向小朋友介绍屋企中会出现既动物，例如蜘蛛，蚂蚁，老鼠同虫等等，唔单止有活生生既动物，仲介绍它们会出没既位置，习性等，好贴近生活既教育啊！而且间屋好舒服，唔系敷衍人架，我地仲觉得真系有人系度住添，有个黑板仔写住D人每日既任务，清洁啦，喂动物啦，等等。   2. 澳洲简直系老鼠既天堂！！！！！N种动物都系鼠类来架！就算个名唔系鼠，个样都鼠头鼠脑架！！因为本人相当厌恶鼠辈，所以一张它们既相都没映，亦更加唔想摆上来……

      哎呀，隔左好多日先来写日志添，我承认，系我懒……       记得旧年岩岩来既时候，当时住对面房既两位姐姐正好去左滑雪，个时就好向往。期待左一年，捱完最罗命一个trimester，先由希望变成失望，再到见到一线生机……正可谓经历重重险阻……终于make it！！！上个星期五，2006年8月18日中午1点，搭上旅游巴既时候，仲系恍恍忽忽，如梦似真。       大概4个钟车程，到左澳洲首都Canberra （堪培拉），其实……没咩好睇，唯一既景点就系国会大厦同个前面个湖，但系我地去到既时候国会大厦已经删左门，所以只有系个湖边映两张相，算系到此一游啦！点都系capital，应该来吓既。不过Canberra真系细得可怜，静得阴森。难怪讲极番薯都唔明点解澳洲选堪培拉做首都。       离开左首都，大概又坐左3，4个钟，开始感觉到车外气温骤降，原来我地已经去到离雪山100公里以内既地方了，落车既时候即刻要着番件大搂。去租雪具罗～～～首先试衫裤，跟住试boot，再称吓几重，拣番对承受得起既雪橇先～～D boots鬼甘重，而且ku得只脚好紧，D人话紧D先唔容易跌倒喔。$$$$$$甘就用左成100个大洋了～～租3日咋。       搞掂D装备就去Motel好好地休息番一晚，呢度既Motel值得讲吓。以前学英文经常听到既Bed & Breakfast，今次第一次亲身体验。它同国内D酒店仔唔同，它没牙刷，没牙膏，没浴帽，没沐浴露洗头水，更加没拖鞋（even纸既都没）。但系有kitchen！！有炉头同oven比人自己煮野吃！唔怪得听人讲去欧洲自由行会买送番Motel煮饭吃啦！～       星期六一早起身，600！早餐特登吃多D，因为个团唔包lunch，哈哈～～好兴奋啊好兴奋！！一个钟唔使，就去到National Park个山脚了，随住架bus蜿蜒而上，逐渐见到那个终年积雪既山顶了！哎呀，好想阿司机叔叔开快D啊……慢慢，窗外既玻璃蒙上左一层雾气，用手擦左擦，哗～～～终于见到我24年来第一次亲眼见到既雪了～～～个种兴奋，个种激动……唔可以表现出来，要压抑，因为车上其他人都好平静，估计只有我系第一次见到雪既，呵呵，矜持矜持！       我地第一日去既系初学者雪场，比较平坦……not to me！一落车，急不及待顺手稳左个小弟弟帮我映番张生命中第一张同snow既合照。好唔容易甘着左对boots，抬住个两只雪橇……真系唔系一般辛苦啊，两样野都好重！！当双脚踏上雪地那一刻，我就种好假既感觉：“怎么那么像盐啊？！”因为……根本就唔冻！虽然心入面好惊，但系见到个个都着上对雪橇，逼不得意，还是“咔嚓”一声着上了。啊～～～哈哈，有惊没险，因为个坡好细，定得住。望住雪场边个臭水沟，真系好担心自己会跌左落去。       决定唔上课，自己自学既我，在跌跌撞撞中逐渐稳到D窍门，开始爬上去高DD既斜坡个度。净系望吓落去已经有少少惊了，点算呢？滑唔滑好呢？撞到人点算呢？实系好痛架了……思想挣扎左好耐，终于，唔系鼓起勇气，系唔知边条友系后面推左我一野！！－_－lll  当然跌低啦！跌低左仲要滑行左一段距离添！我觉得我都系细胆，因为滑落既速度好快，我惊停唔到，就自己快快手跌低算了。其实照有关人士透露，应该唔使惊，等它慢慢自己停落来既……系甘玩左一两个钟都没乜起色，我开始后悔租个套雪具了，早知就租对walking boot去爬山算啦，甘样同自己讲。       同行既艺高人胆大既一班靓仔靓女，买左AUD$91既day lift pass，向高难度挑战。他们问我去唔去，我话，我担心自己会滚雪球甘滚落来。呢个时候，正好有个志同道合既靓女同我一齐放弃雪橇，用自己既双脚征服snow mountain！我地一人带住两枝poles，一步一步甘向山顶进发！当每踏前一步，个脚印越来越深既时候，内心个份激动简直无法用言语来形容。好喜欢听踩雪既声音，好喜欢躺在雪地上，好喜欢让雪沾满条裤同埋件衫～～D雪点解可以甘可爱呢？！       上到山顶，我地打雪仗，堆雪人。虽然个雪人好没人样，哈哈～～～行番落去既时候，我地同呢次登山之旅改左个名：How to save $91！哈哈！！！真系满足晒我对雪既渴望啊～～～       星期日朝早，大家都唔愿起身，因为个个腰酸骨痛，有人仲提议话唔去滑雪了，去beach算了添。唉～～一班后生仔女，甘没活力架？！司机叔叔话今日带我地去个pro D既雪场（冬奥会场地），睇吓我地敢唔敢滑喔～～哎呀，远远见到个坡甘高甘斜，我地落车离鞋都没换，个个都打算斋睇算了。嗯，高手既雪场果然唔同，哈哈～～我地发现最大既特点系，呢度没人跌低架！～～唔似我地玩那个，成日都有人kiss the snow。连架lift都大D，装得多人D架。另一边仲有人系度比赛添，snowboard啊～型啊～离开那个雪场既时候，见到一班细路……真系细路，幼稚园吧……着住成副职业选手既装备，排排队甘跟住个教练行出来，好型啊！心中不禁感叹：滑雪要从幼稚园开始抓起！ … 繼續閱讀 →

      前几日天气热好想去beach，今日好意外甘搭顺风车又去左Bondi Beach一次。第一次去系岩来既时候，还是冬天，没掂D水。今日去就真系去感受大海既怀抱了～～好中意个度D沙，好白好细，远远睇过去就令人觉得好舒服，好想摊系上面……       一落车，就有股想马上冲落沙滩的冲动了。今日既Bondi同上次有D唔同，空气中隐约弥漫着一股奇怪既味道……OH～原来系被海水冲上岸既海草……同行既一位朋友讲，黄金海岸的沙滩连绵80公里，同个度比起上来，Bondi简直系个不足月既BB……OH～～真系好想去Gold Coast啊～听讲从悉尼去Cains最好坐Coach，因为沿途既风光绝不比黄金海岸逊色，不过要坐足一日既车。好向往啊，几时我先可以储够钱去啊？！～猪皮，努力赚钱！

      从来未试过吃车厘子吃到肚痛架！！！不过我地又确实搏左D既，持住任吃就疯狂甘摘。第一次见到樱桃树，仲要见到甘鬼多cherry在上面哦！鬼唔兴奋咩？！～桶都未来得及去罗就开始狂摘狂吃了～“哗～呢棵好多啊！”……“喂喂，呢D好甜啊～”……“过来呢边啦，好大粒架！”……吃啊，摘啊，吃啊……对手、个嘴、有D人甚至连件衫同条裤都红红紫紫甘了！～可能真系吃得太疯狂了，好快就没战斗力了，吃到后来已经分唔清边D甜边D唔甜了。呵呵，俗语有讲：吃不了兜着走。自己摘落来带走个D虽然要段斤称，不过比市面平一半有多，所以大家都摘左好多带走，4KG, 6KG, 9KG, 10KG，总之就将架巴士塞得好满啦～真可谓话个个都满载而归啊！       除左D cherry吸引人之外，一路上既风光都好正啊！～以前唔知道，天可以甘高，云可以有甘多层，视野可以甘开阔，草可以有甘多种颜色，禾杆草可以卷得甘整齐，仲有D羊咩可以甘似石头……哈哈。见到通路个D叫人小心动物经过的标志，好想真系见到只袋鼠跳出来架，可惜来回都见唔到，可惜啊……OH，唔记得讲，点解我甘enjoy个旅程呢？系因为我坐在双层巴士二楼头排位，个view超正，所以，虽然路程远左D，不过都唔怕闷。（相啊？睇上面啦～）