Category Archives: 心情

       呜呜～～今晚从踏上火车个刻，心情就开始郁闷，系Flemington落左火车，行番屋企既时候空虚既感觉越来越强烈。唉～先19日之嘛，甘快就习惯左？！行到屋企楼下，望住乌黑一片的阳台同窗户，有种想喊既冲动。好怀念之前19日，每日开门番屋企那个情景，爸爸妈妈的问候，笑声，满屋的热闹。而今晚，打开雪柜，见到爸妈寻晚准备好的一盒又一盒送菜，心入面真系空荡荡架。          我都以为我已经习惯独立，习惯唔依赖父母，习惯宁静自我的生活，但系，呢一刻，我真系觉得好孤独啊，爸妈可以一直陪系我身边就好了，不过可能到时我又嫌他们“俄”我了。最挂住既唔系阿妈煮既送，虽然呢样都好紧要，而系爸爸妈妈的说话、笑声。我一直都话他们两个好经典，他们好中意讲笑，得闲三个人你窒吓我我窒吓你，阿咪通常都俾我同老豆夹攻，成日喊冤枉。嗯～～真系好幸福啊！唉～点解甘简单既幸福会变得甘奢侈呢？！           阿咪 － 每日6点起身，成间屋里里外外打扫一次，跟住煮饭俾我带lunch box，煮早餐俾我地3个吃。每日唔系煲山楂水就系冲巧古蓝茶俾我饮，我一边食野一边系我耳边念叨：“够了，唔好吃甘多啊，唔好吃肉啊，吃多D菜啊！”“唔好装甘多饭啊！”吃完饭之后，又一直念：“出去行街！”“唔好成日坐系度啊！”“郁吓手郁吓脚啦！”“出去跑吓步啦！”“做吓运动啦～”（典型的阿妈）           老豆 － 罗住部相机，唔系，系两部相机，系度东映西映，乜鬼野都映一餐，来左19日，映左成千张相，3张2G卡！！佩服老豆的好奇心同毅力，以他的年纪，实在唔简单。罗住本地图同火车时间表，竟然俾他行通悉尼。初时我都好担心，事实又再一次证明，生活在悉尼，系唔需要识英文的。           虽然我没特别带他们去边度玩，不过爸妈照样日日节目丰富，几乎每日去玩的地方都唔同，好多地方我都未去过，甚至未听过，譬如话，搭ferry从Circular Quay到Parramatta一路上原来系风光无限，稳日真系要去搭吓。仲有好多靚既地方，可惜老豆去完番来，大部分系讲唔番个地方个名我听……无奈！           Anyway，幸福的日子总是短暂的，又回到残酷的现实，蕃薯啊～～快D番啦～～～   BTW，我毕业了，呵呵，毕业礼两个星期前举行了，一直没上传D相，宜家upload一张大家睇吓啦～多谢晒～

      都唔知点解，吃左野以为可以好好训一觉啦，点知系张床度碌来碌去成个几钟都仲系训唔着，个脑一直出现住寻日发生既一幕又一幕，可能系酒精作祟挂……         失眠既夜晚啊……好冻！被窦系好暖啊，不过训唔着好闷，而且又鼻塞，好难受……寻晚玩得真系唔系几开心罗，好唔中意甘啊。如果我可以早D番来，甘我就可以训个安乐觉了。我都唔想学跳舞，做咩要知dancing culture喔？唔中意就系唔中意啦，嗯……唔想有下次。无论谁是谁非，自己觉得comfortable最紧要吧。         好多野想做啊……天光之后，要执房，dump晒所以唔再有用既野，去uni睇广告，oh，顺便帮victor贴广告；去eastwood买野，嗯……好多野要买；洗衫？如果好天既话……check check先。         其实我应该心情几好先系架，点解会甘沉重呢？Oh，space又update左了，但系点解一边打字一边系度adjust D字既位置既？         系喔，我个referencer生涯维持左almost 2个星期啦，没计，Emma太爱我了。虽然整体感觉同想象相差好远，不过识到个好好倾既朋友，我地宜家仲日日在公司发email倾计添。感觉自己都OK Lcky架，系呢边都遇到好几个待人好真既朋友。

    恭喜发财～～～万事胜意～～～心想事成～～～身体健康～～～     Oh～～话甘快又第二个年头了，问我咩感觉？又真系没乜特别喔。唔系好介意春唔春节了，其实日子都系一样甘过，只要自己开心就好。年三十去左唐人街个头饮喜酒，算系感受左一番热闹既气氛。人地话今年比往年都要热闹喔，梗系啦，越来越多中国人啊嘛～～除夕既唐人街除左好多卖野既摊档外仲有摊位游戏，D奖品公仔好得意架～～～本来好想玩，但系小路话我弱智…… 加上赶住去唱K，咪没玩罗。          应该讲吓年三十the rocks个度既盛况，哈哈，其实唔关中国新年事，应该只系普通既一个星期六吧，N对新人系度映婚纱相啊。D鬼仔鬼妹既花童花女好cute啊，细细件既婚纱西装好得意啊！！！！不过D镜头就好捕捉，因为唔赶行得近，惊打扰人地。讲番先，其实我系应邀参加小Sa既婚礼photo shooting, 地点系近住海湾大桥同歌剧院既the rocks。映左好多相啊，小Sa新娘子好靓啊，新郎都好型！！不过，由于新娘子唔相甘快向更多既人公开婚讯，我暂时唔会将D相pose上来了。先放两张自己solo既先，哈哈。系喔，小娟婚宴D相都未摆上来，宜家摆埋先～～

     话甘快，我又来番悉尼了～真系眨吓眼咋，寻日几个人都话我，好似番左去一阵，没个几月甘耐。唉～～幸福快乐既时光肯定系短暂架了～系屋企舒服到真系唔想出街啊～阿妈叫我起身吃晏昼，吃完睇电视，跟住出街逛吓，吃吓野，夜晚又番屋企吃饭，同木杰耍～超正既生活啊～～唔舍得出番来啊～        不过呢6个星期回国既日子，心理方面都经过左一段调适。平安夜个晚在香港一落机，就明显觉得D人态度同礼貌都差左好多，开始有D别扭既feel。系香港玩既4日入面，除左人多车多灰尘多之外，好明显感受到香港零售业从业员既素质大大不如十几年前，我直头觉得中山既零售业D人好礼貌过香港D人N倍。譬如：last个日我去帮舅父仔买波鞋，鞋呢家野，就甘睇同着上睇好唔同架嘛，我专登叫梁XX着上帮手试吓个效果。摆出来个D全部得一只，而且用胶纸包实，要叫个sales去罗对出来试既。点知着起身个效果差好远，尤其是被条裤盖住之后就更加唔好睇。我同梁XX商量过之后觉得唔系几好，甘咪比番个sales话唔岩罗。点知坐柜台收钱个条友问我：小姐，系码数唔岩定个款唔岩啊？我咪照讲话个款唔岩罗。跟住个条友就好寸甘话：小姐，个款唔岩？同出面摆住个对一样架啵，玩野啊？……D语气态度仲好差。个时我若无其事甘走出间铺，其实应该搏番他句：试左就一定要买架了？你唔好去抢？ 真系激气啊，其实几间鞋铺都有甘既情况，仲有D电器铺之类，服务态度都系好……连迪士尼入面D员工有D都系度打牙教，唔全心全意照顾客人架！唉～～香港啊香港，维港已经够臭架啦，仲要服务业臭通街？？        番到中山，自然周身都舒服晒，一班亲戚朋友热热闹闹，有讲有笑就最正既。不过番去甘多日，都觉得个天灰蒙蒙甘，没日晴天甘。而且同我走之前相比，中山多左好多车，多左好多外地人！救命啊～搭bus既时候差D以为自己在广州。唔喜欢城市拥挤既感觉，岩番到去个两个星期，有种挂住澳洲呢边既生活环境，宁静、干净、翠绿……不过过多两日，又好似习惯左，最中意去大信行街，虽然没乜野买，但系中意个种唔使睇住个钟行街既freedom，中意个种睇中左随便去试，觉得好睇就买既爽快感。其实中山同悉尼，呢两座城市都有独特吸引我既地方，两种唔同既感觉。热闹，笑声，亲人；舒适，干净，自我空间。从中山港上船后，突如其来一股孤独感，尤其是刚刚入闸，跟亲人们挥手告别后，就有种瓢泼孤独……前个6个星期，去到边都有人陪，样样野都有梁XX帮我手，有种依赖。北京时间寻日2点钟之后，我又要暂别呢种习惯，开始相对寂寞既生活了。呢一刻，坐在书台前面，感觉就好似没放过假，没番过屋企一样。哈哈，早知就唔来啦～～宜家洗湿左个头，没计啦～～嘻嘻～～加油啊！

      真系有D不敢相信既感觉啊！有D似发梦，我居然听日就要搭飞机番屋企了～～～久违左既父母，番薯，同埋好多好多亲戚朋友～～就来要见到你地了，心中莫名地紧张起来。今晚应该都系训唔着架了，嗯……将电脑入面既电影卡通消灭晒先～         今日吃饭既时候我个朋友问，你薯佬见到你第一句会讲乜啊？会唔会系“我好挂住你”之类啊？我觉得唔会，最有可能系“喂，甘都见唔到我？！”～～哈哈～～应该会系甘～～嘻嘻。         好似想写好多野，不过个脑真系好乱，个心又十五十六甘～～算啦，一切尽在不言中啦～My dear family & friends~~ I am getting closer and closer to you guys lar~~~ See you all in 中山/广州 soon~~ very soon~~~哈哈～～～Wish myself a safe and good trip!!!

      好难捱啊～～呢24日～～～总觉得考完试之后D时间过得好慢，尤其是宜家夏天，夜晚8点先天黑，就觉得一日特别长。一日一日甘倒数，从80日到24日，个个都话我太夸张，不过我觉得仲系未能够表达我内心个种焦急。         订机票之前，好中意plan番去要做D乜做D物，但系越接近番屋企既日子，越唔想计划，净系想个日快D来，但系又唔知番去做乜喔，好矛盾，好混乱。而且番左去，就意味住好快又要出番来……早知订早D机票啦！         好难理解唔番去既人既心情啊，有人话要毕左业，搞掂好PR先番去……哗，甘咪真系番去睇奥运？！我顶唔顺了～我都算犀利了，撑左15个月了～～好叻女架了！～～         幼稚园阿妈接我放学，小学初中自己踩单车番屋企，高中老豆车我一个星期番一次屋企，大学搭长途大巴几个星期番屋企一次，研究生……搭飞机一年先番得一次屋企！！时代真系不断在进步啊，尤其是我跟屋企既距离。

      呢两日日头好鬼热啊，虽然夜晚依然要盖棉胎，但系夏天真系来了。听日约左小路去打羽毛球，好彩系室内。嗯，真系要好好运动吓了，仲有3个月，费事番到去吓亲人啊，哈哈，如果我有恒心既话！～～       上个礼拜加今个礼拜，比夏娃个老公*既感冒菌密集式轰炸，今晚终于感觉到喉咙有D痕了，睇来都系不能幸免了。       决定左几时番去，但系机票仲未订好，反正买贵价票，几时买都一样，嗯，感受吓圣诞D出入境高峰先至得。       两个星期后既今日，八月十五。记得旧年热辣辣仲烧烤，不过都几有气氛。可惜今年，没得庆祝了，中秋第二日考Mid-term，仲边有心情啊～～嗯，头先怂恿小Sa等我考完Mid-term去唱K，唔知她等唔等得及。还记得上个月某个星期六3个人唱左6个钟，唱到第日声都沙晒，一个字：爽！不过都系好挂住广州钱柜，中山Top K都好啊。呢度D歌虽然都OK新，不过缺乏规模，D房没乜装修，又比较细。唔得，番去一定要好好enjoy吓先。       唉～～番去实在太多计划了，都唔知到时可以做到几样。   *夏娃既老公即系我地公司一个叫Adam(阿当)既同事^_^

       哈哈哈～～呢几日终于暖番D了～～朝早起身都唔使甘缩手缩脚了～～不过……哈哈，天气暖左个人就成日想训觉……help～～我仲有一大堆书要睇架～～       头先睇到区彤话我点解仲唔放D相上去，真系喔，讲吓讲吓，搬左过来都1个月了……sorry啊，没兑现自己既承诺添～等多我两个礼拜，等我考完试，执拾吓间房先……等我啊吓……数数手指，考完试都真系几多野等住我去做啵……退税、选课、报CPA……哎呀！讨厌既考试！！       岩先收到nineMSN Newsletter,介绍出新片：The Lake House，故事系讲：A lonely doctor begins exchanging love letters with a frustrated architect through a mysterious letterbox, later discovering they are separated in time by two years. ……………（汗……）甘咪即系荷里活版《触不到的恋人》？！呵呵，不过有奇诺李维斯～一定要睇既～～

      今日好开心，做左几件想做左好耐的事：训个好觉、洗干净D床铺、饮番餐茶，最正既就系可以见到个海～       唔知点解，每次见到个海，就会有种莫名的兴奋，可能海真系有股神秘的魅力。虽然个太阳好“牙咋”，但系一落车，迎面吹过来好凉爽既海风，正～       听日又开始番工番学，有排忙了。不过希望得闲可以有机会出去行吓，轻松吓，大吃大喝一番，哈哈～～

      多谢大家既关心哦～其实就净系热左元旦个一日，跟住个晚就开始天阴、落雨，气温降到20几度，到今日傍晚先出番D太阳，总体来讲都几舒服！～来之前听D人讲话澳洲有几旱，点知我来左呢几个月都落左唔少雨啵……不过仲系唔准系屋企洗车同埋用水喉淋花。       呢排好多人见到我都会问一句：习惯澳洲既生活未啊？其实要习惯既野唔多： 1）生活费突然暴涨6倍。岩来到最难接受既就系呢样，每洗一分钱都好唔自觉甘乘以六，结果搞到样样都买唔落手。但系，毕竟仲系要生活嘛，好彩宜家放假打吓工，帮补吓，洗自己赚番来的钱感觉轻松好多。   2）吃自己煮既野。呢个可以讲话系我人生中的一个创举，开始个时真系好鬼兴奋架，得闲就计划吓买咩送整咩菜，不过……as time passes by……本人已经几乎完全失去了煮食既兴趣了，唯一支撑住我要煮落去的系人既最基本需要——唔煮就没得吃！总唔可能餐餐吃蛋糕、面包、pizza架？！我系人来架嘛！   3）5pm后没街行。以前在屋企，习惯同阿妈吃完晚饭后去行吓街，买吓野。呢度？save啦，就算系星期四晚nightshop都系shop到九点几咋，苦闷……   4）超级唔便利既公交系统。有人同我讲，澳洲地大啊嘛；又有人同我讲，呢度大部分人都有车啊嘛。但系，我仲系好唔服气，点解出门之前要check time table？点解唔够5分钟的步行距离要设两个站？点解巴士唔报站之余仲要飞站？！点解周末既巴士一个钟先一班？！最唔抵既系，点解我每份工都要搭半个几钟巴士去？唉～在呢一点上，还是广州好。   5）差D漏左样没讲，就系房门没锁，柜桶没锁，屋企净系得个大门可以上锁。个柜桶没锁就算了，连个房门都锁唔到，训觉都没安全感啊！以前系宿舍乜都锁到实一实架嘛！当我提出呢个问题既时候，房东好自然甘话：I don’t think u need it。嗯……搞到我D安全意识越来越薄弱，以前出街都会将部notebook摆系D唔显眼既位置，宜家就索性唔收了……       差唔多了，其他都同中国没乜唔同。有人问我夏天过圣诞感觉会唔会怪？你话大热天时叫我着件长袖衫就话怪。月份系人定既，气候系自然形成既，点可以用人定既框框来衡量自然既规律呢？！哈哈，都系个句，我在呢边一切都好好！多谢你地！我